《香港語文──聽陳蕾士嘅秘密》- 限量加印

我手寫我心,由範文開始

479 /700
已售出

各大媒體專題報導
經典範文 再現江湖
2016年廣東話入文
《香港語文-聽陳蕾士嘅秘密》

封面

前言

香港九成人口以廣東話作為母語。大部分人日常會講、會聽廣東話,但從來唔會用廣東話嚟寫作。作為寫作語言,廣東話總係畀人一種次一等嘅感覺。你試過中學作文寫口語畀老師扣分未?你有冇問過自己,既然傾計用廣東話、口試用廣東話,但點解偏偏唔可以用佢嚟作文?

香港唔應該係咁。廣東話作為日常語言,有認同感、有親切感,用嚟寫作行文,理·所·當·然。廣東話用詞生動,可以反映香港獨有嘅文化,貼近香港人嘅生活細節。更重要係,大家用慣用熟,廣東話傳意能力更高,方便香港人表達同接收文章嘅內容同訊息。

而家我哋四個──史兄、林非、擇言、Edwin,將香港人非常熟悉嘅中學中文範文改寫為廣東話版本,包括大佬級嘅〈聽陳蕾士的琴箏〉,仲有〈六國論〉、〈孔乙己〉、〈店鋪〉等共約20篇耳熟能詳嘅文章。我哋希望透過呢個項目,推廣廣東話寫作,做到真正「我手寫我心」。我哋亦想話畀大家知,廣東話寫作嘅水平,可以同書面語睇齊,甚至喺某啲範疇似乎可以做得更好。用廣東話寫作一啲都唔失禮,我哋唔使睇低自己嘅母語。

喺香港出書,係件戇居嘅事──過程煩瑣,回報又低,風險又高,分分鐘蝕到七彩。而家仲要出本淨係得香港人識睇嘅書,諗真啲真係超戇居。但我哋覺得,廣東話係香港人嘅文化瑰寶,好值得拎嚟發揚光大,而唔係成日妄自菲薄。我哋希望可以嘗試一啲無人試過,但又值得做嘅嘢。

希望大家支持《香港語文──聽陳蕾士嘅秘密》!

清唔清楚?明唔明白?

明白又想買,就撳掣開始
項目已完結