《香港語文──聽陳蕾士的秘密》

我手寫我心,由範文開始

894
支持者
$ 87,251
支持金額
124.64 %
目標達成
封面 (暫定)

前言

香港九成人口以廣東話作為母語。大部分人日常會講、會聽廣東話,但從來唔會用廣東話嚟寫作。作為寫作語言,廣東話總係畀人一種次一等嘅感覺。你試過中學作文寫口語畀老師扣分未?你有冇問過自己,既然傾計用廣東話、口試用廣東話,但點解偏偏唔可以用佢嚟作文?

香港唔應該係咁。廣東話作為日常語言,有認同感、有親切感,用嚟寫作行文,理·所·當·然。廣東話用詞生動,可以反映香港獨有嘅文化,貼近香港人嘅生活細節。更重要係,大家用慣用熟,廣東話傳意能力更高,方便香港人表達同接收文章嘅內容同訊息。

而家我哋四個──史兄、林非、擇言、Edwin,將香港人非常熟悉嘅中學中文範文改寫為廣東話版本,包括大佬級嘅〈聽陳蕾士的琴箏〉,仲有〈六國論〉、〈孔乙己〉、〈店鋪〉等共約20篇耳熟能詳嘅文章。我哋希望透過呢個項目,推廣廣東話寫作,做到真正「我手寫我心」。我哋亦想話畀大家知,廣東話寫作嘅水平,可以同書面語睇齊,甚至喺某啲範疇似乎可以做得更好。用廣東話寫作一啲都唔失禮,我哋唔使睇低自己嘅母語。

喺香港出書,係件戇居嘅事──過程煩瑣,回報又低,風險又高,分分鐘蝕到七彩。而家仲要出本淨係得香港人識睇嘅書,諗真啲真係超戇居。但我哋覺得,廣東話係香港人嘅文化瑰寶,好值得拎嚟發揚光大,而唔係成日妄自菲薄。我哋希望可以嘗試一啲無人試過,但又值得做嘅嘢。

希望大家支持《香港語文──聽陳蕾士的秘密》!

  • 項目資料
  • 內容
    • 經典香港中學中文範文,以廣東話重新演繹
    • 預定文章:約20篇,包括〈花潮〉、〈庖丁解牛〉、〈六國論〉、〈竹林深處人家〉等
    • 加入廣東話注譯、思考問題、譯者感想,活學活用
  • 預計付運日期
    • 可選擇於書展內取書;另有兩至三次派書會活動,唔使入書展,日期、時間待定。
  • 四人聯手製作
    擇言

    粵典創辦人之一
    http://words.hk

    Edwin

    講故佬BookTalker負責人
    https://www.fb.com/hkbooktalker

    林非

    網絡作家、評論員
    網誌「離經誌」
    https://astrophellic.wordpress.com

    史兄

    網絡作家
    《婚姻這種邪教》、《史詩式愛情》、《辦公室七不思議事件》作者

  • 示範
    〈論仁、論孝、論君子〉(節錄)
    子曰:「君子坦蕩蕩,小人長戚戚。」(〈述而〉第七)

    孔子話:「君子份人坦率、氣定神閒、悠然自得;小人份人城府深、諗太多、計嚟計去、𢲡埋口面。」

    子曰:「君子成人之美,不成人之惡。小人反是。」(〈顏淵〉第十二)

    孔子話:「君子會幫人成全啲好嘢,唔會幫人成全啲衰嘢。小人就啱啱相反。」

  • 項目收益
    文字有價
    • 扣除成本(排版、印刷及其他行政費用),其餘收益將由八個製作單位均分(出版社、技術支援、四位譯者、兩位後期製作),每單位每本約$5。
    PROJ.HK
    • 呢本書係PROJ.HK下面嘅第一個項目。PROJ.HK目標係將香港嘅本地文化發揚光大,捍衛香港嘅獨特性。
    • 透過各式眾籌活動,支持本地文化創作,長遠建立一條完善嘅本地產業鏈。
    • 史兄會將自己喺呢個項目嘅收益撥落去Project HK,用嚟發展未來業務同支持本土及社會運動。
    • PROJ.HK仍處於起步階段,未來將會有更多項目公布。
    粵典
    • 粵典係一個大型粵語詞典計劃。我哋希望透過用廣東話書寫,提升粵語去更高嘅層次,將粵語帶入正規書寫嘅領域,打破長久而嚟嘅「中文本位」,整返一本真正屬於自己嘅詞典。
    • 擇言會將自己喺呢個項目嘅收益撥落去粵典。
  • 付款

    「係咁意!小小心意,不求回報。」

    $ 28 .00
    • 純粹支持廣東話寫作及應用

    「瞓身支持!同我冚辦爛掃晒啲書花佢!」

    $ 75 .00
    • 每本書
  • 其他
    • 成功落訂及付款後會有電郵確認,到時憑電郵取書。
    • 不設退款。
    • 有問題請PM 史兄

清唔清楚?明唔明白?

明白又想買,就撳掣開始
項目已完結